ଜୀବନ ସାଗରେ ତୁ ଏକା ନାବିକ ବାହୁଅଛୁ କାତ ଧରି ଅସଜଡା ଏହି ମୋ ମନ ମନ୍ଦିରୁ ଦୁଃଖ କଷ୍ଟ ନେବୁ ହରି । ଏ ମନ ମନ୍ଦିରେ ନିର୍ମାଣ କରିଛି ମୋ ହୃଦର ସିଂହାସନ ମୁହୂର୍ତ୍ତେ ତୋ ବିନା ଏ ମନ ବୁଝେନା ମିଳୁଥାଉ ତୋ ଦର୍ଶନ । ଶ୍ରଦ୍ଧା ବିଶ୍ବାସରେ ଫଳ ଫୁଲ ଆଦି ଅର୍ପଣ କରୁଛି ତୋତେ ତୋ ସେବାରେ ଅବିରତ ନିୟୋଜିତ ଥିବି ପଦ ହୃଦଗତେ । ଗୀତା ଅଧ୍ୟୟନ ଦେବତା ଦର୍ଶନ ମୂଳ ତୁଳସୀ ପୂଜନ କୃଷ୍ଣ ପ୍ରେମରସ ହୃଦେ ପାନକରି ଲୋଟି ଯାଉ ଏହି ମନ । ତୋ ଡୋରିରେ ବନ୍ଧା ହୋଇ ରହିଥିବି ଭକତର ପ୍ରାଣଧନ ପୁଣ୍ଯ କଥାମାନ କର୍ଣ୍ଣେ ଶୁଣୁଥିବି ତୁହି ମୋ ଜୀବ ଜୀବନ ।
ବରଗଡ ଜିଲ୍ଲା ବରପାଲି ଗ୍ରାମେ ଶ୍ରାବଣ ପୂର୍ଣ୍ଣିମା ଦିନ ଜନମ ଲଭିଲ ଜହ୍ନ ଆଲୁଅରେ ଗଙ୍ଗାଧର ତୁମ ନାମ । ୧। ଉତ୍କଳର ଯଶ ଧରଣୀ ବୁକୁରେ କରି ସାହିତ୍ୟ ସାଧନା ପ୍ରକୃତିର ଦୃଶ୍ୟ ଦେଖି ଲେଖନୀରେ କାବ୍ୟ କବିତା ରଚନା । ୨। ସାହିତ୍ୟ କୁଳରେ ରସ ରତ୍ନାକର ପ୍ରଥମ କାବ୍ୟରେ ଖ୍ୟାତ କାବ୍ୟ ତପସ୍ବିନୀ ସହ ଅର୍ଘ୍ୟଥାଳୀ ଭାଷା ବୈବଭ ମଣ୍ଡିତ । ୩। କବିତା କଲ୍ଲୋଳ ପ୍ରଣୟ ବଲ୍ଲରୀ କୀଚକବଧ ...